Proposta urbana para o "Concurso de ideas, con intervención de xurado, para a definición de estratexias de transformación do bordo litoral da cidade da Coruña, dende o dique de Abrigo até a praia de Oza" convocado polo Concello da Coruña, desenvolvida xunto a Hábitat Social, Flu-or e Damián Romay e definida como unha proposta en tres tempos para abrir o bordo litoral da Coruña aos usos urbanos, manter as actividades portuarias e consolidar a titularidade pública dos peiraos interiores da cidade.

* PORSUPORTO foi a proposta máis valorada polo xurado na primeira fase do concurso, na que se seleccionaron cinco dos proxectos presentados para continuar traballando. Tras a entrega da documentación definitiva e o desenvolvemento do proceso participativo no que a veciñanza da Coruña puido avaliar as propostas segundo cinco criterios establecidos na convocatoria (integración urbana entre porto e cidade, mobilidade e accesibilidade, sustentabilidade, modelo económico e participacipón cidadá), PORSUPORTO foi a proposta máis valorada en catro desas cinco categorías.