Proxecto de investigación sobre as residencias de maiores na área urbana da Coruña desenvolvido durante a crise da COVID-19. Estudo desde a perspectiva urbana, non tanto desde a cuestión continxente do gran impacto da crise nestes centros, que tamén tivo o seu espazo na análise, senón do modelo de residencias que se ten desenvolvido nas últimas décadas en relación á cidade e ao territorio: as consecuencias para a vida e para as posibilidades de integración no medio das persoas usuarias que se derivan da situación, as condicións urbanas e a forma arquitectónica das residencias de maiores.