Este sábado 29 participaremos no roteiro “Agra: barrio de coidados” xunto a Zinthia Álvarez e Xurxo Souto. Unha actividade de balde, organizada por Arquitectura Sen Fronteiras Galicia, na que comentaremos algunhas das cuestións sociourbanísticas que fan hoxe tan interesante á Agra do Orzán.

Ademais do formulario de inscrición e da información básica sobre o roteiro, paga a pena botarlle un bo ollo á páxina web e aos materiais producidos como parte do fantástico proxecto “Agra: barrio de coidados”, coordinado por ASF Galicia e desenvolvido xunto a outras organizacións sociais e académicas desde 2023.