FOTOGRAFÍA E TURISMO / Fundación Luis Seoane / 02-11-2024 / 19:30 h
Este sábado 2 de novembro, a partir das 19:30 h na Fundación Luis Seoane, participaremos na sesión de proxeccións e mesa aberta Fotografía e turismo, comisariada por Luis Díaz Díaz como parte da oitava edición do FFoco (Festival de Fotografía da Coruña), e na que tamén participarán Iñigo Sánchez-Fuarros e Elisa Gallego.
Pola nosa banda, aínda que tamén falaremos do relevante papel da fotografía na maioría dos nosos traballos de investigación ou da condición pioneira de moitos proxectos fotográficos sobre espazos urbanos sobre os que despois nos interesamos outras disciplinas, en relación ao turismo e á súa imaxe comentaremos principalmente algunhas cuestións xurdidas durante o desenvolmento dos proxectos Lo urbano y lo urbanístico, por Benidorm (2012-actualidade) e O patrimonio vivido: cotiandade e domesticidade nos tempos do turismo masivo (Santiago de Compostela, 2024).
Sin comentarios
Sin comentarios todavía


