Obradoiro de exploración urbana dun ámbito da Coruña pouco coñecido por boa parte da cidadanía, pero cun grande interese polas súas condicións e singularidades: o ex-polígono industrial e agora barrio da Agrela, un lugar fascinante pola súas diferenzas formais e funcionais con respecto aos tecidos residenciais máis recoñecidos como urbanos, pero tamén pola súa actualidade, xa que é un ámbito no que se pode ler nidiamente como se transforman as cidades.

Proxecto desenvolvido como parte do programa Nocturnia impulsado pola Concellaría de Igualdade, Benestar Social e Participación Cidadá do Concello da Coruña.