Este xoves 16 guiaremos xunto a Cristina Botana (Departamento de Xeografía, USC) un pequeno roteiro por Goiáns (Boiro) como parte das actividades das xornadas “Creative Jam – The New European Bauhaus: Society, Inclusion, Equality” organizadas polo proxecto Rural Youth of Europe e a Asociación Amicos.

O roteiro será un percorrido pola estrada-rúa entre Boiro e Escarabote (AC-305) e os seus arredores ao seu paso por Goiáns no que se comentarán os diferentes elementos e procesos que permiten imaxinar estratexias ante os retos territoriais actuais, centrándose nos usos que acolle un tipo de tecido hoxe xenérico na Galicia de orixe rural e nas potencialidades e problemáticas en termos de sustentabilidade que xorden nas fisuras de dialécticas clásicas xa superadas como rural-urbano, público-privado, produtivo-improdutivo, natural-artificial ou humano-non humano.

No seguinte mapa (en inglés por ser o idioma no que se desenvolverá o encontro) pódese consultar o percorrido, as paradas e os temas que se comentarán durante o roteiro: